LUGARES DESTACADOS

Lugares destacados dos estudados en cada concello.

Nogueira de Ramuín
Nese concello, queremos destacar o que chamamos (segundo os criterios da Concellería de Turismo de Nogueira) o Parque Granítico da Moura. Unha ruta agradable de 3,5 quilómetros observando formas de granito espectaculares e non menos fermosas vistas sobre o Canón do río Sil.

Parada de Sil
En Parada destacar a pasarela de madeira que  segue ao río Mao, despois do albergue da Fábrica da Luz. É parte da pista de sendeirismo PR-G-177, e desde esta  pode observarse o Canón do río Mao, formas erosivas fluviais no río e a petroloxía da área, que é moi interesante para observar.

A Teixeira
Nese consello seleccionamos como Lugar de Interese Xeolóxico a ruta da Fervenza do Cachón, no río Vaos. Nesta ruta obsérvase a petroloxía da área, así como abundantes marmitas de xigante e outras estruturas na roca.

Esgos
En Esgos foi seleccionada unha curiosidade petrolóxica de gran beleza nun ambiente moi especial. Boudines de cuarzo nas pizarras da Capa dos Montes, na zona da Virxe do Monte.

O INVENTARIO

Finalizado o inventario dos Lugares de Interese Xeolóxico dos catro concellos.

O 17 de agosto completouse o inventario dos Lugares de Interese Xeolóxico da área de estudo do proxecto Silxe .
No concello de Nogueira de Ramuín 72 lugares foron estudados, no concello de Parada de Sil foron estudados 42 lugares, no concello de Teixeira 41 lugares e no de Esgos 24 lugares.
A continuación, iniciouse o proceso de selección dos lugares para ser considerados Lugares de Interese Xeolóxico, aplicando a metodoloxía da Área de Investigación sobre o Patrimonio Xeolóxico e Mineiro do Instituto Xeolóxico e Mineiro de España (IGME: http://www.igme.es/patrimonio/default.htm). Nun primeiro filtro foron seleccionados 4 lugares en Nogueira de Ramuín, 4 lugares en Parada de Sil, 3 lugares na Teixeira e 3 lugares en Esgos.